العيد شوفك ~ الشاعر : سعد العويد

الشاعر : سعد العويد



العيد شوفك نهار العيد قدامي

يا شمعة العمر يا أجمل ضحكة أيامه


كل عام وأنتي بخير ومصدر إلهامي

وكل عام وأنتي ربيع العمر وأحلامه


يا أغلا أمنيات الحياة وقمة أحلامي

شاعرك عيده بشوفك دوم قدامه


حتى تغرد حروف الشعر لإقلامي

وأكتب لك أغلا شعور القلب وهيامه


تعبت من غيبتك يا حبي السامي

وأشعلت ليل القصيد وجفت أقلامه


تعالي إسري معي وإن طال بك نامي

الشوق له عنفوان يحرك أنسامه


شوفتك مثل الكريم بضيفة إكرامي

ومفارقك مثل من جابوه لإعدامه


عليك مزن المشاعر ترزم إرزامي

والبال بعد الدروب تنكس أعلامه


ملّت طيور الغلا من هجرة أوهامي

وأبطى حصاد السنين يزيّف إرقامه


سولفت للعيد عنك وضاعت أيامي

لين الوله من غيابك ملّت أقدامه


يا عيد ما بك فرح في غيبة أحلامي

أفراح عمري بشوفة ترفة القامه