الشاعر : صايد بن مصلح بن فهيد الباطح الجميلي
انا شاقني من شوّق القلب بالهوى
تواصيف من يجهد خفاي افكار
قعدت اكتب الابيات وانظّم الغزل
شفوقٍ بوصفه والافكار احرار
رسمت الشعر رمعه وانا واثق الهدف
غريم القصايد والبيوت احضار
عن اللي بروق المزن في نور خدها
ضيا بسمته يمحى الدجى بنهار
هو اللي رماني وبالهوا منه صابني
سهوم المنايا مجرحتني كثار
جزت عيني المرقاد سبّته ساهره
وتجرعت بالليل العتيم امرار
هي الجادل اللي حالتي مابحل بها
كفاني من اسبابه كسبت اخطار
غزالٍ خذا قلبي صغيرٍ على اوله
عليه الجوازي من حسنها تغار
قطاتٍ ترد الروح وتورّد الظما
تجثّ الحشا وتبيّح الاسرار
مكاحيل ذودٍ يشبه القوس عنقها
نجولٍ مزاهيها سنام خيار
خذا الروح منّي وبالعشاقه بليت به
ولاهو برضاي الا كسبها اصرار
تحايلت به واحترت ياحيلة العنا
قضى العمر لاشك المقدر صار
وقنعت بمقاسيم الولي ورضيت به
مابعد العسر للصابرين يسار
والا ياوجودي وجد من خانه الجهد
بقاعٍ وحش ماطبها زوار
تمنى الديار اللي قبل ساكنٍ بها
ندم عقب مافات الزمان ودار
وشاف المنازل عقب اهلهنّ خاليه
بقايا الحراب ومع رسوم وجار
وغدى يزعج بصوته ودمعته سايله
خذاه الحزن ومعانق الاقدار
وهذا قول منهو بالهوا جاه ماكفى
خلص عمره وهو صابر ومحتار