الشاعر : بشير فهد الفهيد
يا رجل انا جيتك على شان حاجه
والحاجه اللي منك يا رجل تنعاف
علك فدا للي طليقٍ حجاجه
يضحك لو انه شاف يا رجل ما عاف
الحر حرٍ والدجاجه دجاجه
والعلم ما يعرض على غير عرّاف
كنت احسب انك بالمواقف اتواجه
خاب الرجاء بك والهقاوي والانصاف
حجة ردي العرف طافي اسراجه
انا من الروس العزيزه والاشراف
ان صار بالمجلس يسبب ازعاجه
ثرثر كلامٍ ما له اسباب واهداف
هذا نتاج اللي خرابٍ نتاجه
لو طاب له مره سريعٍ بالانكاف
المدح في غير النشاما هماجه
قربة عطش مخروقةٍ مابها اسعاف
العز سيف ومنسفٍ وابتهاجه
قولت هلا يا مرحبا الرجل مضياف
شكوى بلا ملفى لاهلها سماجه
والطيب زرقت رمح بالعين ينشاف
الطيب يا اهل الطيب صعب انتهاجه
صعبٍ على كل الرديين الاضعاف