خالد حامد غشم خليف المحارب الجميلي قصيدة الطيب فبي بعض الاوادم خساره

الطيب في بعض الاوادم خساره
ماينفعك لاصرت ضايق ومحتاج

ان عاش راسي مايقدر وقاره
صبري قضى والله كريم للافراج

لابد ما الايام تخلف مساره
ويذوق ماشفنا من الوقت الاحراج

دنياك هاذي لوسكنت بعماره
لابد ماترحل وتلطم باالامواج

كم واحد تسقيه غبن المراره
يلعبه الهاجوس مع خالي الفاج

والله على ماقول ماهي شطاره
لوهي على روس السلاطين تنعاج

غديت مثل اللي دوامه خفاره
طبق عليه وقايده رتبته تاج

كسر الخواطر ولع القلب ناره
يكوي شراييني ولا يضحك حجاج

فرقاه مثل اللي صدر في قراره
من هيئة التمييز صدق بالادراج

عليه قلبي منحني بنكساره
لوهو نساني واقف له ومحتاج

اقفى سواة اللي تلاعب طياره
شرد القطا لاذاق حر الضما لاج

غربال نفسي لانتحت به دياره
همه يذوقني معانات وزعاج
## المعتمده
كلمات # خالد الحامد