الشاعر الكبير/ فهيد الباطح الجميلي رحمه الله
ضحك لي زماني باول الوقت نوب ونوب ... بلاويه تضحك لي والايام زلّافي
طردة الهوى والحب يوم الهوى مرغوب ... انتذّكر بلذّاته لو ان القدم حافي
على منهجٍ ما فيه لا ذارب ولا عذروب ... معانيه ما تخفى على كل عرّافي
انا اللّي خذاني بالهوى الجادل النبنوب ... على اجل انّها ما لامحت كل غريافي
تكلّفت من حبّه لو ان الرّسن مقضوب ... حدوني حييايره عن المشرب الصافي
على زمّته توّه على غاية المطلوب ... كساه الحلا والنّور من كل الاطرافي
هذا منه ردّ الحول ما جاني المندوب ... عسى مانعه للخير عن زين الاوصافي
من ابو ردوفٍ يوم قفّت تشيل الثوب ... هني بالهني من نام بحضينه الدّافي
كسبي خطيّه علّ داف الحشا ماثوب ... لو انّه وذنلي بالمواعيد ما يافي
قريب الثّرى يابعد ماها عن المشروب ... توهّق عليه وهو مزاليج ميهافي
الا ياعيون اللّي تقود المها جندوب ... ذعرها عن القفره شوابيح الاشوافي
تهوم السّنع لاشك مالك عن المكتوب ... تقاسيم لك من ربّ الاله وقّافي
انا صرت في صوبٍ وهو صار له في صوب ... تقطّع علي الواسطه مامن اسعافي