الشاعر : عبدالعزيز المحارب
الوقت لو جار صعبه ينكسر باسي
لو غير أوجه زواياه السداسيه
ماغيرك إلا أنت كانه عايشٍ راسي
اما انت لي حلم وإلا احلام منسية
السالفة وش يفيدك هرج الانجاسي
لا تسمع نجوس مذهبها مجوسيه
نسناس غيرك ما حرك جذعي الراسي
لو طول الوقت ما زعزع كراسيه
باحساسي شعور أشعر به من احساسي
بكتاب الأشواق لك صفحة رئيسية
في دنيتي عشت فيها الحب الأساسي
ومن أجلك أشياء فاقدها أساسية
ماتسال الليل كم وكم ياناسي
ما تساله عن ليالينا الرومنسية
لو تسأله قال شوفك يجلي عماسي
وما تدري إن غيبتك سبّة مآسيه
مغليك ما تجرحه مفروض يا قاسي
وتصرفاتك معه ما تكون عكسيه
صرت اعشق الصمت لآ طراك هوجاسي
ومشاعري فيك معنيه وحسيه
ملامحي كيف بانت عند جلاسي
وشلون اخفيك واشواقي حماسيه
أضيق واتنفسك لا ضاقت أنفاسي
حبك مهو حب إلا حرب نفسيه