خالدحامد الغشم قصيدة ياالله يمنشي سحاب الهماليل

ياالله يمنشي سحاب الهماليل
ياعالم غيب الفلك في سماها

يمنزل آيات الفلق واية الفيل
يمحصين ماب القلوب وخفاها

العقل حاير من كثير الاقاويل
والناس. متدري وشنهو بلاها

ياالله بخيرات الليال المقابيل
يارافع امراض الوباءعن وطاها

دنياك هاذي روحت بالحلاحيل
اطلب عسانا مانخيب برجاها

الوقت صار بحجر مانطلع الليل
غير اللثامه. مالقينا. دواها

كان ابلشو بعلاجها والتحاليل
كرونا اللي عندي ربي شفاها

اللي خلق شط النهر دارج النيل
مغني من ارزاقه ضعوف عطاها

دنياك هاذي هدة الحيل بالحيل
الرابح اللي سالم. من. شقاها

يامحلا السجه وزين التعاليل
في مجلس فيه النشاما تراها

والابعد مع شرقة الشمش وقبيل
تبعد وتسلم عن. بقيت غثاها

في خايع من ماطره ناقع السيل
بس القطا حسه مقطقط رعاها

تنزل العزبه وكل المعاميل
وتشب نارك قبل يظلم دجاها

مقند الدله من البن والهيل
تمر الاحسا. زايد حلاوة حلاها

تجلي عماسك عقب بدع التماثيل
ويزين جوك عقب سجة بطاها

ك / خالد حامد