خل العذر ( رشيد الدهام )

هذه القصيدة للشاعر : رشيد الدهام

[poem=font="mateen,6,deeppink,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
خل العذر ياموجع الليل بالناي=ليلك عجل والسالفه سرمديه
اطول من الضيقات وابعد من بكاي=واشد من صد الخوي عن خويه
ياما ذكرت الوقت والوقت نساي=وياما قتلت الروح والروح حيه
انا بطبعي لاتثاقلت شكواي=على صدر غيري بقت داخليه
تكبر وتكبر مثلها ضحكه شفاي=ويردد اللي مادرى ياهنيه
وانت ان شقيت بغلطتك هاتها جاي=اغلط بكيفك واترك العذر ليه
انا اللي اسف وااعتذر عن سواياي=اسف على غلطتك واسف عليه
الذنب ذنبي والخطايا خطاياي=ولا انت ماجا منك ذنب وخطيه
ذنبي وعذري في الهوى طيب مبداي=ضحيت لاجلك لين صرت الضحيه
تدري وش ابغى تقولي قبل فرقاي=تدري وش ابغى تقول عن طيب نيه
ودي تقول.. أو عاد تدري وش الراي=تسكت مادام السالفه سرمديه
[/poem]