لولا اختلاف الناس ظرف و مقاييس
ما كان شفت الطيبه و المخله
لا ظامتك دنياك شيز و عواكيس
تلقى بوسط الناس من كل مله
والفرق بين اهل الكرم و النواحيس
فرق الثرى عن النجوم المطله
يالادمي لا طحت و السبه ابليس
ارفع يدينك للسماء و اطلب الله
لا تنزعج و الا تطرش عواسيس
الطيب بقلوب الاوادم جبله
البوم ما هو مثل فرخ القرانيس
الفرق بين في هداده و دله
يا شين لاجت حاجتك في يد الهيس
و ان جيت تطلب حاجتك قال لله
بالناس خوانه و بالناس فريس
هذا يخون و ذاك سيفه يسله
يا كثر ناس بالمجالس جواسيس
تضحك و هي باحقادها لك مغله
ولو تبخص اللي صار خلف الكواليس
تلقى علاماات عليهم مدله
عافت الاميّر