الشاعر / سعد الجميلي - لا ضامك الوقت والاقدار متغيّبه

الشاعر / سعد الجميلي



لا ضامك الوقت / والاقدار ...متغيّبه
خذ من تفاصيل فكرك مايفك السرب

لاتخاوي .....الا كريم / ونيته طيّبه
ان ضاق وقتك يعدّل معضلات الكرب

عشق المراجل هواه / ووقته مشيّبه
من كثر ماهو يوزّع فرجته للعرب

ان جيت له / كفه ....لحاجاتك قريّبه
تعطي يمينه ولاقسّم حساب وضرَب

وابعد/ عن اللي عفانة نفسه تعيّبه
اليا ...عطيته تخفّا/ وان زبنته هرب

حوادث الوقت / في دوراتها صيّبه
تكشف ردي الحزام / وطيّبه لاانكرب

تقطع حبال الردي .....نياته الخيّبه
والا قوي الروابع / من عزومه شرب

الناس ماكلها ....بالطيب متطيّبه
أصناف واشكال واحجام وطبايع عرب

بعض الاوادم خفيفة نفس وحبيَبه
وبعض الاودام مقاربها يجيب الجرب