خل الجمال وخل عنك التواصيف
جو السعاده راحت القلب وحساس
من عاش همه يحرق البن والكيف
ويبوح همه للولي خالق الناس
وان دارة الدنيا دهور وعجاريف
خلك صميدح وصمخ الراس باالراس
واصعد كما حرا بروس المشاريف
حرآ تعلى للمراقيب قرناس
المال .ماينفع وكثر المصاريف
ماجمل العفنه ولو كان بلباس
غصن الشجر لو كان يسقى من الريف
مايبسة عروقه من الجذع يباس
ولولى لساني ماتبحوح المهاديف
ولا بوح هاجوسي على كل من قاس
اللي على سب الخلايق ملاقيف
تلقالهم. بالهرج مركى ومجلاس
كلن يحد الشلف ويشطر السيف
ولا له فعولن بين ربعه ونوماس
ولا ذم ربعي باالحكي والتزاييف
اللي فعايلهم على قب الافراس
الله يجملني بكسب المعاريف
والله يسود كل وجهن وبلاس
وختامها عد المزون المراديف
وعداد ماهبت رياحه باالاطعاس
من الارشيف
## خالد حامد##