الشاعر : يوسف هادي الجميلي
عيوني تخايل بالفلك نوض براقه
قريبه بعيده حيرت من يخايلها !
حداها الشمالي والمقادير فراقه
مطرها بصيفن ماتنبت مسايلها
هواها هدم بيتن وشق اطرف رواقه
قفتها الهمل ماهمها الا شمايلها
جهلنا خفاها بس الاقدار زراقه
وحلت حلولن عقدت من يحايلها
خفيه وهي مثل الفجر حزة اشراقه
مثل كلمتن قيلت ولاعرف قايلها
وهي مهمله سطحا وبالجوف حراقه
مثل شمعتن ذابة بسبت فتايلها
اشوف الملاء للمبهم الصعب تواقه
ولا راجعت شين فسد من عمايلها
هواجيس فكري بالدفن حيل ذواقه
تعلى خشم حيدن ولا احدن بنايلها
ولاهمني تبحث خفى الدرس باوراقه
ترى كل قوم محاسبه في عمايلها