قصيده قالها الشاعر جلال عايش الغنيم يمتدح فيها خليفه عبدالله المجلاد

بسم الله الرحمن الرحيم

الموضوع / مشاركه وهي عباره عن قصيده قالها الشاعر جلال بن عايش الغنيم الجميلي يمتدح فيها خليفه بن عبدالله خليفه المجلاد الجميلي
وهذه قالها الشاعر / جلال عايش الغنيم


واتترككم مع القصيده لعلها تحوز على رضاكم

يقول الشاعر /
جلا ل العايش الغنيم الجميلي



بادين بالله على مانويت اببدعه ......
من معاني وأبو جراح ساس شعارها

له مواقيف ن صعيبه وفيها منفعه ......
مايسويها من القوم كود خيارها

هو خليفه عن خليفه وفعله يرفعه ......
بعد أبو فايز خليفه شجاع كبارها

انصحوا من نافسه ياجماعه يتبعه .......
كان مايقوى اعلوم الرجال وكارها

قولوا ان ماطاعك الوقت بالشده طعه .....
حالة الدنيا كذا ماعلمت اقدرها

به كتبت الشعر تاريخ للي يسمعه .......
حيث برهان الفعل بيت من شعارها

للصحيح أثبات وللحق ناس ن تطلعه ..... كان ظاع وتاه بالناس بعض افكارها

قلتها ولا أني محسب لمنهو توجعه .......
والصحيح وكلمة الحق منا أظهارها

ولا يهون ابو مبارك عريبن منبعه ......
شيخ من لا بة شيوخ افتخر بذكارها

ومثل معتق له مقام وقدر وبقنعه ......
ماتوفيه القصايد وكثر اهذارها

نسل سبع الطبع منسف لضيفه يشبعه ......
ساس جدن راس سبع الجموع ودارها

الخوي لو باع عمره ما خانه وخدعه ......
ونشدوا هجرس عن اخوته وخبارها

يوم جو عنده غزوا ضدهم متجمعه ......
قال اسر ياعيد شمر وعطها انذارها


من قليب غنيم فوق المطيه فزعه ......
هم بلينه ساكنين طرف سنارها

وختامها صلاة ربي على محمد ضعه .....
والسلام بمبتدا ومنتهى مشورها


للشاعر / جلال بن عايش الغنيم الجميلي