( حقوق الصقاره )

الله يعطيكم العافيه





اتخبرون وقت مقناص
و
السموحه على الغياب



..






[poem=font=",6,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لبيه ياطيرٍ على صدره ادقوق=ولبيه ياراس الظفر والنعاره
قلبي على المقناص يلعب به الشوق=لعب المدير اللي مضيع إداره
ياما صبرت وراعي الصبر ممـحوق=قدام لاتظهر حقوق الصقاره
بالقيض عادي وكل مطرود ملحوق=عندي دوام ومستلم بالخفاره
امشي مع الاجواد واسج واسوق=واكمل العزبه واشب الزقاره
واسحب من الراتب واحول على السوق=واسكر المصروف شاره وشاره
واداري اظروفي عن الميل والعوق=واعدل اوضاعي واسوق البشاره
واغسل الموتر عن العج واروق=وادق سلفه دق نمر النماره
جيبٍ جديد ويرغبه راعي الذوق=الطيبّ اللي مايحسب الخساره
جكسار ليتاته مخاييل وابروق=ولا يصغر النيسان عمه وجاره
غاليين عندي والغلا كرت محروق=جو بدوي لو مستواه الحضاره
والصدر من جو الدواوين مخنوق=ياسهيل عبرني على راس قاره
طاروح والطاروح معفي ومرموق=خصٍ ليا شاف الربع والسطاره
يسري مع السارين والقلب مصفوق=صفق الحشيم اللي يمينه مجاره
امجهز اشبوكه من الطوق للطوق=وحمام وفرّي بالقفص والغماره
ويشفق على اللي مالزم ساقه اسبوق=توه وحش عابر من اقصى دياره
بارضٍ بها حبل المواصيل موثوق=قد مرها الوسمي وشعشع خضاره
مدري ولكن كل شيٍ له احقوق=والحق بشتٍ مثل بشت الاماره
[/poem]



ولا خـلا ولا عـدم


/ بن سنيـد



[BIMG]http://www13.0zz0.com/2011/09/30/21/106602817.jpg[/BIMG]