المقلب الـ13 والأخير(يالله صباح خير عسى ماشر )

أهلا فيكم ياحلوين
........................
كنت أتصيد جمال عجزت أصيده
لكن بعد ما اانتهيت من بن منيجل
وشرشحته
........
دق علي وسألته وين أخوك جمال
قال اذا دخل المنتدى اعلمك
...................
وبعد صلاة الفجر
ارسل لي رسالة بن منيجل على الجوال
وقال ترى جمال دخل هالحين المنتدى
عندك له!!
........
وانا ما صدقت خبر وقلت خل جمال يتزحلق
من عرض اللي تزحلقوا

وعلى طول ارسلت لجمال هذه الرسالة

.....
وبديت مع جمال المنيجل!!

.....

السلام عليكم ورحمة الله وبركاته
صباح الخير أخوي جمال
من فترة انتظرك تدخل المنتدى
وينك انقطعت عنا
ودي اراسلك اكلمك عن موضوع صراحة
بس متردد ومنحرج منك
بس بالله خله بيني وبينك
انتظر ردك
.............
صباح النور هلا وغلا آمر وش تبي؟
................
هلا فيك
ما يآمر عليك عدو
........................
صراحة ما أدري وش اقول لك
من فترة ودي افاتحك بالموضوع وسألت عنك
قالوا لي إنك تدوام بالشرقية
لكن ياخي جاني واحد من الأعضاء وقال لي كلام ماينقال
وقال لي لاتقول لجمال
لكن انا عجزت أصبر واتحمل!
قلت لازم أتأكد من جمال شخصياً
ليش ياجمال وش بيني وبينك على شان تكلم من وراي
ما استحقها منك وش بيني وبينك
مع ان الرجال يحلف واعرفه زين مايكذب
واذا اللي حصل صحيح انا من بكرة تارك الملتقى وساحب نفسي

بس بالله خلف المهدي لايدري بانسحابي
ومثل ما قلت لك سر بينا
انتظر ردك
.............


يالله صباح خيرعسى ماشر لبو راشد شالسالفة مافهمتك؟


.........................
اسمع ياجمال ابدخل بالموضوع على طول
جاني واحد من الأعضاء القريبين لك حيل وقال لي
ان جمال يقول ان ابواشد ما يستاهل يصير مشرف
طيب انا ابعرف وش فيها اذا صرت مشرف
طيب وش مصلحة الرجال يقولي هالكلام
وفي كلام ثاني ماينقال
جمال لك احترامك وتقديرك
لكني ما اسمح لك تكلم من وراي
اذا هالسوالف بالمنتدى انا ابترك المنتدى لك وله
بدون لاتصير شوشرة

.............

ابو راشد بقولك شي وحطه براسك رجال مايتعرضني
ولا يغلط علي صدقني والله ماأذكره
الا بالخير وبعدين وش بيني وبينك عشان
اسولف بك قسم بالله العلي القدير ان هالسالفة
ماطلعت من لسان اخوك صدقني
يمكن الواشي اللي سولف لك فاهم غلط او يبي يحط بيني وبينك
والله العظيم ياأبو راشد ماأذكرك الا بالخير
وبعدين انا ماأعرفك عزالمعرفة عشان اقول الكلام ذا
وياليت ياابو راشد تقول لي منهو هذا او تواجهني به
عشان نناقش الموضوع لا تستعجل وتصدقه
الله واعلم منهو الصادق لكن ثق تمام الثقة
انها ماطلعت من لساني او اذا انها طالعه
مني صدقني من غير قصد
والواشي فاهمني غلط عالعموم خذ الكلامين
والله مااذكر اني جبت طاريك
او اذا انه طالع مني حسب مايقول ترى والله العلي القدير

ماأقصد شي واللي ببالك مو ببالي
...................
افهم من كلامك كأنك قلت هالكلام
وتقول انك ناسي ويمكن طلع من لسانك
طيب انت تحلف وهو يحلف
لابعد يحرم ويطلق وهو صايم
ودي اعرف وش معنى الواشي !!
لكن تدري !!
انا ابطلع من المنتدى بسبب هالسوالف والنقنقة هذي
بس لا احد يدري بخروجي اهم شي الادارة لاتدري
وتراي مسامحك عن كلامك هذا
الله يسامحك
اللهم اني صايم

..............
اللهم اني صايم انا بعد يعني اللحين انا اكذب وهو صادق
بقولك شي السوالف والنقنقة مااعرفها اما واجهني بالرجال
او لاتكذبني انا قلتلك يامسلم والله مااذكر اني جبت طاريك والله يمسلم
والواشي اللي ينقل كلام مو صحيح
...........
نكمل بعد الفاصل