قصيدة خالد حامد البارحه ذبيت فج الخريمه

البارحه ذبيت فج الخريمه
في ليلة ساري منور قمرها

من هاجس باالقلب واشيا قديمه
ضاعت معالمها بغبة بحرها

اهل الرباع مقدمين الوليمه
مقرهم يوم السنين تخبرها

مربا ومنزل للبيوت الكريمه
راحت وخلوها وهاذا قدرها

اللوج مثل اللي تحن برزيمه
ام الحوٌير ب العقال وفقرها

من عقب ماهي باالمفالي مقيمه
ترعى زماليق الزهر من مطرها

قامت تلوج من الرسن والشكيمه
فارق ولدها شوفته من نظرها

اقفت بها الدنيا بغبن وهزيمه
عيني من الوجلا تزايد سهرها

سعدون لاتشكي من الوقت ضيمه
قبلك شكيت من الليالي خطرها

عمر الليالي ماتجي مستقيمه
لابد ما تبخل عليك بثمرها

لواستهلة لك سحابه وديمه
ياسرع ماتقفي عليك بنحرها

اٌحسن لياليها بقدر وحشيمه
واقشر لياليها الى اظلم قمرها

ك/خالد حامد
اهدا ومجارات لقصيدة
سعدون مسيعيد البسام