الحر يمرح مابلش في زهابه

[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""] الله من قلب ٍ على الضيم صبار = ماله ياكود الصبر يجبر مصابه
همي كبير ويكوي القلب بالنار = لاواهني اللي سلم من عذابه
اشكي لمنهو غالم ٍ غب الابحار = الواحد المعبود منشي سحابه
يفرج لمنهو ذايق ٍ طعم الامرار = المر ذاقه وامتهل في شرابه
يرتاح لامن سمع ياسعود الاخبار = يرتاح قلبه من جميع الكآبه
ياسعود والله ضايق البال محتار = ليتك دريت بصاحبك وشجرابه
الناس مرتاحة وانا الليل سهار = اخوك شاب وتو باول شبابه
اطوي نهاري واقضي الليل باشعار = لوما نطقت القاف قلته كتابه
مثايل ٍ يجلن عن القلب الاكدار = لو هو عسير القاف قلبي لفابه
ياسعود انا انطر كل يومين مسيار = اشوف منهو قلب جمعه غدابه
ابوجديلن فوق الامتان نثار = عين الفريد اللي مكين ٍ صوابه
بيني وبينه حب وعلوم واسرار = سره سكن بالقلب محد ٍ درابه
ياسعود انا بسالك عن صاير صار = طير ٍ غدى ياسعود في وسط غابه
من غيبته والنوم من ناضري طار = واجاوب الورقا قهر من غيابه
خلي بعيد وبدل الدار بديار= وانا وقلبي بين هم وكآبه
طيري وحش وان كان من ديرتي طار = الحر يمرح مابلش في زهابه[/poem]

صح لسانك

قصيدة في قمة الروعة

دائما تكتب لنا ما يلامس المشاعر

حيااااااااااا الله اخي الفاضل مرورك عطر متصفحي

رووووح عسى الله يرد لك طيرك ( اللي بالعليا مكانه ) ويرتاح قلبك
وشتنتظر
ابشر بسعدك انا معاك روح بس لاتتأخر
وناخذ ابو سلطان / خلف المهدي
بعد واللي تبي

واطلب من اخواني الشعار في هذا المنتدى الغالي على قلوبنا
الرد عليه لانه ناسب القصيدة الي
وانا لا اجيد الشعر
ولكن احبه واستمتع بقراءته ....

اخوي سعود الله يجزاك خير وانتبه من المطبات ترى بعضها قشر واتمنى انك ترد انت اريد اعرف مقدرتك الشعرية لاني سمعت انك تكتب قصائد

اقتباس المشاركة الأصلية كتبت بواسطة جمعه البناقي اخوي سعود الله يجزاك خير وانتبه من المطبات ترى بعضها قشر

اي مطبات ياعسل القصيدة جميلة وفي غاية الوضوح بالنسبة لي
وابشر بالفزعة لا بالشعر
واخواني الشعار ماراح يقصرون
تقبل مروري

صح لسانك على هذه الابيات الجميلة والرائعة وننتظر رد الاخ سعود عليها

حياك الله يالامير على قولك ننتظر رد سعــــــــــــــــــــــــ عليها ـــــــــــــــــــود