حبه بنى بالقلب تسعة عماير

[poem=font=",6,,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
يالله يامنشـي صـدوق الهماليـل = ياواحد وامرك على الكـل صايـر
يافارج ٍ لايـوب عقـب البهاديـل = عقب المرض ومجرعات المرايـر
يامحيي القاع الهشيمة عقب سيـل= انـت الكريـم وعالـم ٍ بالسرايـر
من بعد ذكرك شاقني نظمت القيـل = قصيد ٍ انعم من سلـوك الحرايـر
ومعطر ٍبالمسـك والبـن والهيـل = وابديه من خافي خفـي الضمايـر
من صادق الاحساس صغت التماثيل = ارتـب القيفـان والبـال حـايـر
الوج لوجة من وقع بـاول الخيـل = كسيـر سـاق ولا تفيـد الجبايـر
خـذوه نـاس ٍ كارهينـه مغاليـل = لمواجهه كـل ٍ يسـوق البشايـر
مطلوب دم وراعي الثـار حلحيـل = وليـدة ٍ والـدم بالعـرق فـايـر
حالي مثل حالـه بكـل التفاصيـل = وازوَد بعد واجهـت كـل العزايـر
اسباب من حبه من القلب مايْزيـل= الا تــودّا جثـتـي للحـفـايـر
حب ٍ شريف ولادخل بـه اباطيـل = حبه بنى بالقلـب تسعـة عمايـر
لا نمت جاني طيفها تالـي الليـل = افز من نومي من الشـوق طايـر
عزيل مـن هـذي حلايـاه عزيـل = ماكنـي الا فـوق فـوح السعايـر
الهم والهوجـاس والغـم والويـل = والخامسة بركـان بالقلـب ثايـر
[/poem]