مطاريش

لى صديق وزميل عزيز اسمه عبدلله وهو شاعر ... كثير السفر ..... بل من عشاق السفر .
فقال كتب لى قصيده خاصه فينى ............ فكانت تلك



مطاريش


يا عبيد مالك بالمطاريش حاجه .

ماتنفعك يا عبيد كثر المطاريش .

وما ينفع الماخوذ كثر اللجاجه .

والخرب ما فكه ترى نفشة الريش .

خلك بعيدن عن دروب العواجه .

وجنب على ما قيل درب المحاريش .

وياك تأخذ من سلوم الخواجه .

وفتش على سلم الأجاويد تفتيش .

هذاك لا شفته يعقد حجاجه .

ومالك على ما قيل فى ديرته عيش .

يا عبيد عمرك دام مضوي سراجه .

أفلح قبل نوره يجي فيه تشويش .

أشرب قبل لا يخبط الما هماجه .

وتشوف رجلينك سمال ومهاليش .

ترى الحكى يا عبيد مثل الزجاجه .

أن طاح ما تلقى من يقول لك بيش .

أحشم لسانك عن كلام السماجه .

تفك عمرك من كلام المباليش .

وأعرف ترى وجيه الرجال تواجه .

لا يفلجك يا عبيد هرج الخفافيش .

وبعض المرض تلقى بلندن علاجه .

وبعضه ترى ما ينفعه كود تفليش


وسلامتكم : شعر محمد الماجدي

صح لسـانك .. بس وين القصيده ياخوي عبدالله


..

صح لسانك اخي الرائع



محمدالماجدي

صح السانك قصيده مليئه بالنصح

قصيده فيها من النصح الكثير

لكن تمنيت ان يكون اخر بيت اقوى بكثير

صح لسانك واتمنى لك التوفيق

شكرا مرور الجميل
واخر بيت ......
بعض المرض يا عبيد تلقى علاجه

وبعضه ترى ما ينفعه كود تفليش

وأعرف ترى وجيه الرجال تواجه .

لا يفلجك يا عبيد هرج الخفافيش .


رائع دايم الشاعر محمد الماجدي

جزاكــ الله خير على النصائح يالماجدي وبيض الله وجهك

يا عبيد عمرك دام مضوي سراجه .

أفلح قبل نوره يجي فيه تشويش .


بيتـ عن قصيده والابيات الباقيه مافيها قصور كفيت ووفيت وعساك على القوه