الشاعر : محمد ناصي الجميلي
فز قلبي كالمصوب يوم فز
اونس الخنجر بكبده لزته
اوسجيني نازلٍ وسط الملز
يوم قالوا للفرج ذي حزته
دام رمح الجزل بيدين يعز
لا دعيته يعجبك في فزته
اخذٍ من وصف جدي بالمغز
وليت ربي يمنحه من عزته
شبه طراح الحباري باللزز
ما يخيب هقوتك في رزته
اشقرٍ ريشه ومخباطه يجز
كن مظراب المشوّك جزته
دق صدره مثل منثور الخرز
او كما طرز العجوز ان كزته
فارقٍ عن كل طيرٍ يوم رز
من جبال الترك مبدا نزته
دربه راعيه مبدا صيد وز
عقبها شهب الحباري هزته
ثم عاد وعوده على الخزز
لين لان وصار يطرح خزته
ثم قنص بطير ولحاله برز
شاف مظرابه وحدد دزته
ذاخره راعيه لين انه جهز
صاينه عن كل عينٍ قزته
حامدٍ ربه بطيره لا ارتكز
مثل ما سماه من معزته
شاربٍ حبه كما شرب الكرز
من عناقيده ومن مغزته
والختام اطلب من الله الحرز
من صدوف الوقت ولا وزته