الشاعر : خالد حامد غشم المحارب
يا رجم لو اني عليك متعلي
ما اشوف مرباع الغضي حول داره
قفتهم سود اليالي جرلي
اشرفت مرقابه على كل قاره
جلست لين الشمس غابت بظلي
غيبت ليله عقب باقي نهاره
قامت دموع العين تذرف تهلي
سامرت نجم اليل لين انحداره
بان الصباح وشمسه ابدا يطلي
والقلب من فرقاه تصلاه ناره
راح العمر وسنين وقتي وكلي
بين الرجا والياس حل انكساره
قمت اتذكر به على ماحصلي
وقت ٍ مضى والدهر غير مساره
وابذكرك بالخير يا رجم كلي
لوك على حالي مخفي مداره