الشاعر : سـطـام بـن سـلـمـان
الحنين الـلـي عسف قلـبي وسـاقه يـمّك
كـل لـيلـه في غيابك " لـوعته " تسهـرني
وانت لاهي تحسب انّي لاهي ومااهتمّك
وآنا مـن هـمـك أردد ... (يالله تصبـرني)
تحت جنح الليل اشوفك بالـوهم واضـمّك
ومـع نسيم الـعاشقين طيـوفك تسامـرني
منقطع عني ولا ادري كـان وصلي هـمّك
عـايـش بغـم وتـعاسـه والـحـزن آســرني
خـايـفً ! حـقـد الـعواذل بالـبعاد ايـغـمّك
وتـكبر عـزومك على الـهجران وتـهاجـرني
والعـواذل مثـل مـاهـي اتـذمـني أتــذمّـك
ودهـا تـقهـر خفـوقـك بالجفـاء و تـقهـرني
ياشبيه الـورد ليت اقـوى اقـطفك واشـمّك
وازرعـك حـول (الـحـنـايـا) نبـتةٍ تـزهـرني
جيتك مـن الـشوق عانـي وانـحنيت لـلـمّك
لـمني مـن بـعد مـاكـان الجفـاء "ناثـرني"
خل روحي تهـتني بـك واسقني مـن جـمّك
لـين يـروّى كـل عـرقٍ بـالـجسم ضــامـرني
وان خطـر لك بـعدها تذبح خفـوقي بسـمّك
طالـبك ف تـراب حـضـنك تـحفـر وتـقبـرني