الشاعر : خالد حامد الغشم الجميلي
راكب اللي عليه الشد وفروقه
جمسٍ جديدٍ عليه البعد ينساقي
جمسٍ على جدته يزهو لطاروقه
يستاهل المدح واللي يندفع باقي
ياليت خلي قريبٍ يوم انا فوقه
اغديه يذكر زمانٍ ملقا لاقي
يابو حمودٍ صبرت ولاح لي طوقه
الصبر طول وباقي الصبر مالاقي
يالله على طلبتك تفرج لمخلوقه
تفرج لعينٍ عزت عن نوم منعاقي
سر يا قلم لتذكرني معشوقه
وانا خطيرٍ بليا الشوق مالاقي
الدمع يجري وحرق صافي عروقه
والظاهر اني عليها اليوم مشتاقي
يبوي انا طالبك تدفع له السوقه
تدفع لخلي كثير المال ينساقي
طبّيت سوق الحفر معاد انا ألوقه
وشلي بخلٍ سرق شوقه ومعلاقي