الشاعر : يوسف معطاب
على ما مرّ من جور السنين ومن حصيل ظروف
صديق السو ابو وجهين مدري كيف جابنّه
ليا سيّر نحشمه ونحماه وما يجيه الخوف
دخيل البيت من دونه سيوف الهند منسنّه
وعن اللي نقتضي من لازمه كن بصره منكوف
حريب الطيب عل الهيف هي والغرب يحدنّه
على ما فات ما نندم ولا نستنكر المعروف
على الله والليالي ما خذنّه ما يردنّه
توقّع واعرف اللي لك ولازم مبعدين الشوف
ترى من داس غرات الليالي ما يدوسنّه
ادور صافي النيات واصافي سليم الجوف
ولا غيره طلبت الا رضى الرحمن والجنّه