الشاعر : مخلد خلف غانم الغنيم الجميلي
للعزوم رجال تقدم وتحسمها
بالتكاتف تعتلي سرج المعالي
نحمد الله ﻻدحمنا نقتحمها
ناصل لغاياتنا والراس عالي
يوم كلٍ هب ساقه يقتسمها
مارجع معدالنا من المجد خالي
الصدارة عندنا رفرف علمها
وعندنا من الفوز قسمٍ واكتمالي
يانحوز الاوله واﻻ نختمها
مارضينا اتكون اسامينا التوالي
حي والله روس ربعي في ولمها
ﻻبدا الميدان بحضور الرجالي
ثارت النخوة وكلٍ يحتزمها
في بني عمٍ ذراي وراس مالي
ﻻ خلا منها الرفيق وﻻعدمها
فزعةٍ ترضي من قروم العيالي
كنها ثورة براكين وحممها
من قممها ثايره والجمر صالي
صفحة اﻻمجاد يكتبها قلمها
سيرةٍ من عزنا باول وتالي
كل فرصة للمعزة نغتنمها
عزوتي عسافة الصعب المحالي
من بني خرص وبني غانم شيمها
ثابتة من نسل ابو زيد الهلالي
تقدم زحولٍ تبين لمن زهمها
تثبت فعول مثل صم الجبالي
ماشقينا بعالمٍ تنشر وهمها
الشجر له جذع وغصون وظلالي
نترك اللي ﻻسمع كلمة خطمها
جاهلٍ يا جعل جنسه للزوالي
والجميلي راية العز استلمها
كاسب الطوله على مر الليالي
والولا لاوطاننا واللي حكمها
ﻻ نخون وﻻ نهون وﻻ نبالي