الشاعر : عبدالعزيز المحارب
انت ياللي طريقك ناويٍ بالجفا
تدري انك تشمت في دروبك عداي
ما تردت عزايم خافقٍ لك صفا
نيته لك تسابق للموده خطاي
كنت حلم الأماني ماعليها خفا
مملكه في حياتي ما ملكها سواي
الحقيقة بغيرك ما لقيت الدفا
ولا تمنيت غيرك لو يحقق مناي
كم ليلٍ سهرنا ليلنا ما غفى
هالليالي غريبه ما اسهرنك معاي
وش بقى ما بقى لي غير جرحك كفى
جرحك اللي بقالي يستلذ بلقاي
بان نور الحقيقه والظلام اختفى
اكشفتك الليالي يا حسافه غلاي
ياخي أنب ضميرك أسأله ما اكتفى
أسأله شستفاده من عناي وشقاي
ياخفوقٍ توفى في ضمير الوفا
يا قتيل المحبه يجبر الله عزاي