عرض مشاركة واحدة
قديم منذ /02-12-2017   #1

 
مشرف قروب شعراء ومنشدي قبيلة الجميل
مؤسس القروب بالواتس

الصورة الرمزية بشير فهد

 

بشير فهد غير متواجد حالياً

 رقم العضوية : 10236
 تاريخ التسجيل : Jun 2015
 المشاركات : 418
 النقاط : بشير فهد will become famous soon enough
 تقييم المستوى : 154

مزاجي
رايق
افتراضي الشاعر : باطح بن فهيد الباطح يهدي هذه القصيدة إلى الشاعر الكبير : محمد بن خلف الخس

هذه القصيدة من الشاعر : باطح بن فهيد الباطح الجميلي مهديها إلى الشاعر الكبير : محمد بن خلف الخس المطيري

يابو خلف وقتٍ مضى لو يردّي
ايام يوم البدو راحل ونزّال

لا جا المقيض وقيّضوا فوق عدّي
بنّوا بيوتٍ شوفها يطرب البال

بيوت الشعر لا علّها ما تهدّي
تلقى بها للضيف ممساء ومقيال

دايم لواجب ضيفها تستعدّي
ما حوّطوا باطرافها حوش واقفال

بيوت الكرم والجود من كل بدّي
بانينها بالعز ماضين الافعال

مقيضهم ثلاثة اشهر تعدّي
تلقى لهم في نقرة العد مدهال

لامن ذعذاع البراد اجرهدّي
ونجم سهيلٍ بالسماء يشعل اشعال

دنّوا رحايلهم وقالوا نشدّي
ناسٍ جنوب وناس نوّوا بالاشمال

شدّوا ومدّوا وانتحوا بالبعدّي
والعد خالي ما تشوف به الازوال

زاعت ضعون مفرّقين المودّي
كم عاشقٍ مع دربهم يهذل اهذال

يتلا فريق اللي جديله يكدّي
ابو نهيدٍ بالحشا تقل فنجال

دايم عيونه في ضعنهم تلدّي
وليا اتْقوا يشرف على راس ما طال

وهي بعد مثله تلد وتصدّي
تدرى شرفها من هل القيل والقال

تدرى كلام مشربكين العقدّي
اللي لهم في منهج السو مدخال

وتقول حذرا علمنا لا تبدّي
بالك تذيع الهرج مع كل رجال

اللي يجيب لك السوالف يودّي
يعطيك هرج وهو كذوبٍ وحيّال

توادعوا كلٍ بكفّه يمدّي
حبٍ على وضح النقا ماله امثال

ثمّن زما من دونهم ممرهدّي
وشفّوا وهفوا من ورى نايف الجال

والوسم طاح وسال به كل خدّي
الروض والوادي على محجره سال

والبرد فات وجاء ربيعٍ مجدّي
كم حاجرٍ نوّاره ألوان واشكال

تلقى الزبيدي بالمسايل قعدّي
لا شفتهن عن قلبك الهم ينزال

يالخس هذا هو هوايه وقصدي
لو ينشرا بالمال لشريه بالمال

نبي لنا وقتٍ مضى ومتعدّي
عصر البداوه في قديمات الاجيال

ليا طرى ما فات كثرت لهدّي
مالي جدا كود البكا والتولوال

واليوم هذا وقت مصري وهندي
خوارجٍ ما بين كوري وبنقال

يابو خلف صبرت وانباح سدّي
وجّهت لك شكواي يا طيّب الفال

وانا برايك يالفهيم متقدّي
ياللي لصعبات التماثيل حلّال

جتك الرساله منك نبغى المردّي
يا شوق من قرنه على المتن ميّال







توقيع »

 

  رد مع اقتباس