أنا اللي يشرح صدري وقلبي يسره
......................... البر مع شبة نار السمر بخوة الرجالي
تلعج بضو لهبها مناديةٍ للضيف يمرَّه
.........................يشرب قهوةٍ على جمرها بطخم الدلالي
قهوةٍ تنقض تعب اللي يقص الجِرّة
.........................توّه قاصٍ الأثر بنفدٍ جوها خالي
على ذراعه حرٍ راهي ربي لايضره
.........................مفتونٍ بولعته ولاهوب عنها سالي
يطيب كيفي وأسياخ الشوي على النار محمرّه
.........................إذا استوت سقتها على نشامي العيالي
والكوزي والقرص بملةٍ كفانا الله شرّه
.........................وزاد وناستنا قبالة مِدْلِهمْ الخيالي

أسأل الله أن يديم علينا نعمة ويجعلنا من الشاكرين ويمتعنا وإياكم بالأمن والصحة والعافية
تقبلوا تحيتي واحترامي لكم جميعاً