الشاعر : عبدالعزيز المحارب الجميلي
يا أجمل حروف القصايد من تكون
يالشتات اللي اطشه واجمعه
المشاعر وفت وعجزت تخون
لأنك الذوق الرفيع ومنبعه
انت أهم وكل شيٍ لك يهون
ولجل عينك كل غالي ادفعه
ما حسبت حساب للي يزعلون
كان صدره ضاق ترضيه السعه
لا تخيبك الهقاوي والظنون
ولا تصدق كل قولٍ تسمعه
واحذر اللي بالكلام يفرقون
واترك اللي ما وراهم منفعه
لا تخليهم علينا يشمتون
أفهم اللي حبك وخلك معه