ضيعتـك فبالـي وسجـيـت ادورك
وكل الظنـون التاليـة خفـت منهـا
لقيتـك تناسـب حياتـي وابذخـرك
وحظي لقى عيونـك وقـام وحظنهـا
حبيت اجيبك فـي حياتـي واخيـرك
وتخيّـر تكـون أي حاجـة وكنـهـا
ان كان قربي غلطتك ما قدر اعـذرك
انـا اتحملها،،وانـا ادفـع ثمنـهـا
ماعاش من يقتل غرامـك ويقهـرك
ماعـاش قلـبٍ لهفتـك ماسكنـهـا
في نظرتك تخطف على حسب ما اذكرك
وفـي عينـك الدنيـا وباقـي فتنهـا
وان جيت لك مشتاق ماني مشـاورك
روحي عليـك تحـب صحـة بدنهـا
لكن لو اني واثـقٍ فيـك ، ابحـذرك
حيـاة الانسـان ان رقـد ماضمنهـا
لا تسابق اقدارك ولا يشين خاطـرك
قسمـة مقاديـرك ماعنـك وعنـهـا
عسفت لك شعرن يليـق بمشاعـرك
وقلبي غدا المهـرة وضلعـي رسنهـا
والدمعة اللي ماتـت بعيـن شاعـرك
صـلىّ عليهـا ركعتـيـن ودفنـهـا
عبدالله الراشد