محاوره بين الشاعرين :
الشاعر : حمود بن حفر
و
الشاعر : مطر بن طرقي
مطرابن طرقي
سلام الله على راس ن تصير الروس له خدام
على حمود الحفر مبدا السلام وفيه ننهيها
انا شاعر وضد الكل والشاعر يقول شمام
مادام الشعر من ربي بيوت العز نبديها
حمود ابن حفر
هلا يامرحبا ترحيبتن ترضيك يالضرغااام
ليامني مدحتك هيبتك وشلون ابرضيهااا
بلاشكه تغيض المبغضين وترفس الاقزااام
عطاك الله وغيرك يامطر خالقك معطيها
مطر ابن طرقي
تحذر واحسب الطاروق هذا يالزعيم حسام
وانا مالي ببعض اطروق لو قمنا نغنيها
اباحدك على الضيقه عشانك لا نويت لزمام
تمشيها على المعنا قبل حنا نمشيها
حمود ابن حفر
انا لاشفت لك شاره سبقتك يامطر قدااام
توصيني وانا ياذيب مثلك مانوصيهاااا
تركد واظبط افكارك مدام الميم بعد اللام
علامك لوتعطر خدها تكوي علابيهااااا
مطر ابن طرقي
علا الدرب الصحيح ليا مشينا ترمي الاسهام
تروعنا كذا ياليت ف الرميات تعنيها
تعرف اني على نهجي ونهجي مايجيه اوهام
اثبتها على الشاره قبل تحتاس وثنيها
حمود ابن حفر
تحاسب صاحبك والدبلجه من عارض الافلام
يليت ان المدبلج قصته يفطن لخاافيهاااا
انا ماقول كن كالزير انا مااقول كن صداام
ولاكن لاتسيب راااسهاااا وتشد رجليهااا
مطر ابن طرقي
رضينا بالله الوالي وترضا ديننا الاسلام
وهذي كلمة ن تبغا علام الناس تخفيها
تروح ليال لا منا وصلنا يمت الاعلام
اشوف الناس تنزح عن مكانتها وتتليها
حمود ابن حفر
اشوف ان القضيه روحت تقسيم بين اقسام
لرب الكون صومي والصلاة اللي نصليها
تروح اليال من عمرك وتمضي سنة الايااام
عسئ ربي جروحٍ بك يابن طرقي يداويها