الشاعر : سعيد المحطب
انتظرتك وعيني ما غفت بالمنام
وانقضى الليل كله بين شوق وحنين
واختلط مع دموع الحزن بوح الكلام
وسطرت من حروف الشعر درٍ ثمين
ليت عند الوداع تروح وبلا سلام
ولا تقول انتظرني وانت ما انت بأمين
بعد طير المحبه في سماء الحب حام
شاقه الصيد بس الصيد صار الكمين
لين صاده شبك حبك وطاع الغرام
واسهر القلب عينٍ مابكت كل عين
كل ما اجنبت صوبك صار ممشاك شام
ما ادري القصد منك او اجبرتك السنين
لا تواعد وتخلف واعرف انه حرام
انت ما انت الشبيه لناسٍ منافقين
انصف الحق بين الدمع والابتسام
وانت يالمتهم بالحق ما انت بسجين
كان عدت حدود الفكر مالي مقام
بين صرح الخيال وغفوة الجاهلين