لاتبدي اسرارك على كل زاري
لاتشتكي لناس لو كنت محتار
كم عذًبِ قبلك رجال المساري
من ظمنهم سجيت رجلي باالاقفار
على الذي حبه لقلبي يداري
متخلخل بين الحنايا والاوتار
من طردهن يخوك شفت المواري
زين وجمال ويفتننك باالانظار
مثل الذهب والماس لاصرت شاري
لاشفتهن باالسوق كني على نار
ودي عليهن مير مامن تجاري
ولا بعد(مشعل) وصفهن باالاذكار
اداري السمعه واقدر وقاري
واهلل بذكره وسبح باالافجار
الموت ما عنه مصد ومجاري
لو زانت الدنيا على كل ماصار
كم عذبني لابسات الخزاري
أقفن وخلني أهوبي على الدار
والعدل ماينصف حقوق الوزاري
من كثر ماننكر علينا الزمن جار
# خالد حامد غشم الجميلي ## مجارة مع احد الشعرا من اهل القصيم الشاعر ## مشعل احمد الشريده##