الشاعر : محمد ناصي
لاهنت ياصدر الشمال اليوم ابي صدرالجنوب
ابنحت اسم العاصفه والحزم فوق صدورها
فجر براكين القصيد ابغى الصخر منها يذوب
كسر مجاديف الهزل صقًّها .ذهب في دورها
الجزل سيف(ن)في يدي والوح به من كل صوب
اليا اندمس ليل الدجى وازريت من ميسورها
والعاصفه سقم العدو لامن نوى عووج الدروب
والحزم عزمً للمجوس اللي كشف مستورها
ياسيدي . سلمان. شعبك فارقً بين الشعوب
شعبك معك، ياسيدي مادام شع شع نورها
لك مننا . ياسيدي انطح بنا صلف الهبوب
اهدف بناالحوثي المجوس اثبت بنا بنحورها
اقدم بها يالبدر غيرك هاب خوظات الحروب
هزّ الدول .امرك ياسلمان الفخر بفجورها
لبيه يا منادي لاخو نوره وابو العوجا ينوب
يوم المجوس استنجست بالدار مع دستورها
جاك الفرج من ربنا والراس بالعز معصوب
شهادة الدين الحنيف استبشرت بصقورها
حنا هل الفعل النبيل من اولً فعل محسوب
حنا مزبنة .الدخيل اللي لاجى في سورها
ياجاهل ابطال العرب شف شمسنا قبل الغروب
تعطيك من فعل الفهد واللي سبق من جورها
تعطيك نبذه عن دروع الموت باليوم العصوب
ترضيك بالماضي مع الحاضر وكيف امورها
جاتك تزحزح مثل منت تخطط لوقت الهروب
اقبل مجاك من الاسود اللي تقود نمورها
والختم صلى الله وسلم عد ما هب الهبوب
فزنا بحرب العاصفة والحزم فوق صدورها