محا و ر ه بين الشا عر ين الشا عر / أ حمد ال جا بر ال حفر ال جميلي
و الشا عر / فو ا ز البر يك ال غنيم ال جميلي

مكا ن المحا و ر ه قر و ب لا ضا ق صد ر الهم سير و جا ني

جمعها الشا عر / مطر ال طر قي ال جميلي



أ حمد بن جا بر

قوم يا فواز ياراع المواقيف الصعيبه

لا اختلفنا معك يابن الناس تربطنا القرابه

المعاكس و التخلف و السواليف العجيبه

ما تقدينا بها يا صاحبي مثل العصابه

فو ا ز ال بر يك

ان وقفت اقف معك ميقاف حراب لحريبه
واختلافي معك مابه لاخصوم ولا طلابه

والمعا كس يا أحمد الجابر،زرع وافر،نصيبه

وانت خذها وافهم المعنى على وجه التشابه

أ حمد ال جا بر

لو طلبنا الحق من فواز قولو وش يجيبه

بعد ما جاه السوال اللي يبي منه الاجابه

خابرين الذيب فوق الضلع يقنب في قنيبه

كل شي بغير حقه لا حلا و لا ذرابه

فو ا ز ال بر يك

كل حق لك يجيك وغير،حقك وش تبي،به
مالي الا سلم لامنك طلبته جاب مابه
والله اني خابر المرقاب مبطي عنه ذيبه

ترتع شياه السروح بمرقبه عقب الذيابه

أحمد ال جا بر

انتبه من قبل تضوي بليلك الدامس مصيبه

خابرينك لا رسول الله و لا سيرة صحابه

كل جرحن يا عميلي له علاج و له طبيبه

علتك عندي دواها يا مدورت الطبابه

فو ا ز ال بر يك

اترك السيره قبل نقطع عن القوس،السبيبه
خلنا نسري على صوت المغني والربابه

شي ماتقواه حاول قدر،ممكن تتقي،به
عند مايقضي زهابك يرزق الله من زهابه

أ حمد ال جا بر

فيك شر و فيك خير و فيك شك و فيك ريبه

يالصحيب اللي مطول غيبته واقفى غيابه

ما تضيق بنا الوسيعه و لا تعرقلنا القريبه

كل رجال" يميز و جهته يحسب حسابه

فو ا ز ال بر يك

جيت وطروشك عليها بين من الوقت سيبه
وعادتي ماضايق الرجال وانشد عن ركابه
جت مواعينك تهاوا لاطبيخ ولاغبيبه
مير،روح وانت لك منا الشحم طيب وحبابه


صحت اللا لسن شا عر ينا