بادين بالله قبل بدع المثايل
شاعرن رتب معانيه الجزيله
كلها لعيون ذربين الفعايل
عزوتي وحزامتي عن كل ميله
سلسلت شاوي معدل كل مايل
ومحزمه مزوي مصوت بالطويله
لمها جريشان كساب الاصايل
مكرم الضيفان ومزبن دخيله
ولا يهون اللي له افعول ودلايل
شيخنا عواد فخذه يلتجيله
شارنا بالخير كساب الجمايل
متعب الصلفيق كساب الجميله
شال حمله يوم حمل الغير مايل
يوم ولد الاش حمله مايشيله
لو هي اثقل من جبل سلمى بحايل
شالها حلحيل شيال الثقيله
ولانقول الا ونعمن بالقبايل
ولانخص الفخذ ونكب القبيله
يعلم الله لن عنا الشك زايل
وكل رجالن ترا عقله دليله
دام راح العمر ماباقي صمايل
من فعل معروف عند الله جزيله