الشاعر : مصلح بن فهيد الباطح الجميلي
يا الله يا مصخّر على دين الاسلام
يا منبعٍ حوّاء من ضلع آدم
يا رازق المخلوق ترعاه ما يضام
يا فارضٍ خمس الفرايض وترحم
طالبكْ من يزهى الخلاخيل و وشام
نجل العيون اللي هدبها مظلّم
له ساري الظلما على روس الاقدام
حافي وبصمات الاثر ناقعه دم
اهم شي عندي قباله هو الهام
مركاي كوعي ساهر الليل الاظلم
حبّه سطى بالقلب واعدمني اعدام
لو يدري الكافر بحبي له اسلم
يا زين غيرك ما قعد عندي وقام
وغيرك من الخفرات يا زين يحرم
قلبي معك واقفيت يا ترف الاقدام
ألحق علي من قبل روحي تسلّم
من يوم شفتك عايش بدنيا الاحلام
ومن عرفتي لك قمت فيك اتحلّم
حطيت وسط الجوف يا زين مرسام
وبيتك بجوفي يا حبيبي مرسّم
وانا اتذكّر كلمةٍ قلتها العام
لا غيرك وغيري من الناس يعلم
الناس فيها كم عاذل ونمّام
ما سلْم منها حتى الأصم الابكم