بسم الكريم المعتلي حامي البيت
من كل ذنب وكل مختال شيطان
يالهاجس اللي بالجزاله تعليت
فيك الشعر مخزون لولو ومرجان
فابوي اجمل ماكتبته وسويت
اعذب معانيها على كل وجدان
ياشيخ ياللي صمت لله و صليت
ياللي تسابق خطوتك صوت الاذان
ياراحة ايدين العطا ما ترديت
في قمة الامجاد ياذرب الايمان
على المكارم والمبادي تربيت
من تالي الايام وعصور الازمان
ماشحت ايدينك وكفيت ووفيت
يوم العرب ما بين رابح و خسران
الذكر للحيين يبقى و للميت
والخير يرجح كل كفه وميزان
يابواحمد النوماس والعز والصيت
بسمك لهن في صفحة المجد عنوان
وانا على منهجك في كل توقيت
امشي على اليمه ولاني بغلطان
دايم على هقوتك لامن تهقويت
قدام عينك لو يكون ايش ماكان
ياتاج راسي شاش راسي وغنيت
قصيدتن يصغي لها كل فهمان
في مدح ذاتك يفخر الشطر والبيت
ويفخر بك ابداعي وقافي والاوزان
وختامها مهما بك ابديت واثنيت
حقك كبير ولا يوفيه الانسان
الشاعر / احمد ابن جابر