مشاري بن سلطان بن ربيعان من شيوخ الروقة من عتيبة وشيختهم قديمة ولهم مزايا عديدة الشجاعة والكرم والحميه والصفح عن زلات القبيلة يسعون دائما في مصالحهم كعموم مشايخ القبائل ، ومنهم الشيخ مسلط بن محمد بن ربيعان الشجاع والفارس الاول المشهور بالفروسية واما الشعراء فمنهم مشاري بن سلطان بن ربيعان وابنه ذعار بن مشاري ولهم عدة قصائد في مناسبات عديدة ، وقصيدة مشاري كالتالي :
مانيب هلباج على النوم نعاس
همه طعامه لين كرشة ملاها
ادرج الدنيا بالافعال وقياس
نسعد عيون وعين نسحن دواها
لاضاق صدري جبت نجر ومحماس
ودلال بيض غالي مشتراها
قم سو فنجال على خمسة اجناس
احذر تجي حرقة وبالك نياها
خلك لها عن كل عذروب حساس
قيس له الطبخه على قد ماها
حتى يجي فنجالها يجلي الاعماس
عقب الصلف والسهر ما اكبر غلاها
خصص مشاكيل على النار جلاس
حبوس الرجال اللي بعيدن مداها
بوابة اللي للمعادين نطاس
مودع سمان الهجن يثلع حفاها
والثاني اللي يثني العصب بالراس
في ربعة يشبع بها من نصاها
والثالث اللي يحتمى دن الافراس
لا روحت خيلن بخيل حماها
وباقي الملا لو ما تقهوية لاباس
هذارة المجلس قليل حلاها
لا نافعن ربعه ولا حاش نوماس
ضباط مال ولا يذري ذراها
المزيــــــد قـــادم ان شاالله
-------------------------------------------------------------
منقووووووووووووول