قصيدة الشاعر : جمال المنيجل موجهه للشاعر: احمد الرشيد
يااحمد أبنشدك عن واحد غالي
صايرله مدتن غاب عن عيني
مادرى من غيبته ويش يجرالي
الفضا من سبته ضايق فيني
من قديم الوقت احبه ولازالي
جاريا حبه بوسط الشراييني
زاد همي في غيابه وغربالي
والمحبه باقيه له من سنيني
طيفه يسامرعيوني وفي بالي
خبروه انه ترى حيل مشقيني
يفز قلبي كل مادق جوالي
مافي غيره بالملا من يواسيني
حالتي من عقب فرقاه يرثالي
مانسيته لو يطول الهجر فيني
ياوجودي من هواها بري حالي
والله انه من عنى الوقت يحييني
ودي بشوف الغضي ماتهيالي
بس اشوفه بالمنام ويصحيني
صورته في كل شين تورالي
عزي لقلبٍ شكى افراق غاليني
#جمال_المنيجل.
ردي على الشاعر/جمال المنيجل
ياجمال الحال ماهو كما الحالي
كل شي به تغير من سنيني
الهوى راعيه كنه بلى واالي
اختلط به ياولد زينن وشيني
انت تنشدني وانا حسبك سالي
اثر دينك ياصحيبي على ديني
المحبه مثل شمسن بلى ظلالي
ومن ينوشه سهم الافراق مسكيني
كم بكى من جور الاياام رجاالي
ومن جحدني بالزمن لايخاويني
المراره طعمها ماهو بحاالي
لاطواك البعد فالبعد طاويني
كان تبغى الصدق يالطيب الفااالي
كيف تنشد وربعكك مقفيني
كيف ترجي من مقفي بالقبالي
لرخصك دور لغيره مظانيني
هذا علمن ينعرف باول والتاالي
انت تنشد ميرطاريه يشقيني
المحبه طيرت بشت وعقاالي
مير ي الله طالبك لاتعنيني
وفيهم اللي مرخص النفس والمالي
في دروبه الحب لوهم موليني
##احمد الرشيد