الشاعر : خالد الغشم
باديٍ بالمعتلي منشي المخيله
الله اللي خالقٍ نور الصباحي
يوم شفت الترف منسوع الجديله
كل شيٍ مختفي بالقلب باحي
قلت شسمه قالوا الحضار هيله
مالكٍ كل الحلا ضبي البراحي
عود موزٍ نابتٍ من غب سيله
لا تمايل مع ذعاذيع الرياحي
بنت قرمٍ من زحازيح القبيله
ان قدح بالكايده خشم السلاحي
ضاريٍ كفّه على ذبح الجليله
ما خذا سلم الرجاجيل الشحاحي
قالها اللي عارف وقلبه دليله
بالمعاني يارد العد القراحي