قا م بجمع المحاوره مطر الطر قي
مكان المحا و ر ه قر و ب لا ضا ق صدر الهم سير
و جا ني
احمد رشيد
يالرويعي تقدم جعل حظك يقوم
قدمك الملعبه من بين شعارها
فوق راسك من البارح طيورن تحوم
والمعاني ياليتك والعن نارها
علي الرويعي
حظنا معتلي يأحمد علو النجوم
ولا حضرنا الملاعب قيل بيطارها
علم للبارحه روح معاها العلوم
وكل لحيه نضفيها بمقدارها
أ حمد ر شيد
العوافي تراها فالزمن ماتدوم
مير دور علئ خيرتك وختارها
محتمين الدفاع ومحتمين الهجوم
وغيرنا ياصحيبي ضاعت اشوارها
علي الر و يعي
أمتعافي وأحمد الله بليلٍ ويوم
وخيرتي عند ربي اجهل أسرارها
البروق اتلاعج فوقكم والغيوم
مير شعبانها سالت من امطارها
أ حمد ر شيد
يالحصان المغامر اثرعندك عزوم
فالكويت الحبيبه ماخذا شعارها
كيف خايل بروقن ماله من لزوم
السحابه عليكم دار معبارها
علي الر و يعي
انت للحين ماسجلت بين الرقوم
والا انا تاجرٍ من ضمن تجارها
انت خلك بحالك لا تجيك السهوم
مير خوذ النصيحه والحيا دارها
أ حمد ر شيد
كاسبين الجزيله كان حل القسوم
انشدو في يمين الدار ويسارها
يالرويعي قبل لا حد قوم بقوم
البضايع بعضها هابط اسعارها
علي الر و يعي
بالشعر أنتكلم ياكبير الهموم
وأنت تفتن وحنا نقطع أدبارها
الرويعي يحدك لين رحت الرجوم
وأعرف أن الجنازه عند قبارها