علي الرويعي
يامطر شد حيلك بطرقٍ قديم
والسوالف تراها بكم العباه
خيلت وأرعدت ميرما شفت سيل
ولعي يانجوم الفرح ولعي
يامطر ما ضبطت العلوم الثقال
والسوالف تراها بقانونها
لا تحط الشماغ من علو العقال
مانبا الشعر عجنه تعجنونها
مطر ال طرقي
ي الرويعي وانا حاضر (ن) يالمقيم
بين خط القلم والكتب والرواه
لا تمييل عن الخط دامك عميل
ولعي ي شموع الفرح ولعي
دون شرب الفناجيل شيء محال
ليه تنسى عمامك يادندونها
مانبي قول قايل ولكن تعال
المعاني هنا وخذ عربونها
علي الرويعي
البعير المهجن ترا هو عقيم
البحر لا تلاطم ما تلقى نجاه
الجدي ثابتٍ مير غيب سهيل
ولعي يانجوم الفرح ولعي
بالشعر وسط عينك احط الخلال
معك يابن العرب رجلي بهونها
حبكم بالرحا يدرج لا يزال
وميلنا ممتلي يكحل أعيونها
مطر ال طرقي
انت لو تفهم الشعر قلنا فهيم
كيف تبغى تسود العرب يالحفاه
خابر" صفقته احمد وحامد زويل
ولعي ي شموع الفرح ولعي
خابر السيف الاملح واعرف الجمال
واعرف اللي يحل ويعقدونها
اكتمال البدر نص يرجع هلال
لو تزيد السلع ما تودونها
علي الرويعي
كم مره نعدل بيوت الغشيم
يوم يمشي عدل يوم يمشي بعماه
لو كربنا المطيه يطيح الحليل
ولعي يانجوم الفرح ولعي
تجحد الناس من عقل صابه هبال
والليالي تعلم بمجنونها
انت خلك هنا عند حلج الدلال
والسلع عند اهلها ومامونها
مطر الطرقي
من متى جبتها ياعلي بالصميم
كل ماجبت لك طرق قالوا هذاه
باخن اللي بعد تحت ذاك الشليل
في محطة فهد ضاري " لدلال
الملاعيب يا جاهل افنونها
احسن النطق لا جيت وايضا القبال
نظرتك ي علي طارف " نونها
علي الرويعي
لا تدور عليه ومشي سليم
مير وقع على أرضك وراقب سماه
انتحيبك شمال وتبغى الجبيل
ولعي يانجوم الفرح ولعي
لو تحوس السوالف ما تلقى مجال
ضاري بالدلال وتجيبونها
مانجيب الخمال كان جبت الخمال
من يدور يحصل على كونها
مطر ال طرقي
ساقكك الله ونطليك قبل العتيم
يوم تشرب من البير تقطع رشاه
ي الرويعي ترا ماض فعل الجميل
و لعي ي شموع الفرح ولعي
مازبنت الجبل رحت يم السهال
قربتك ينضح الماء و ماعونها
تستند لك بشاوي معاه الخوال
كلمة الحق ماهي من عفونها
علي الرويعي
انت مثل الجلاوي بدارك تهيم
والنجف داركم تو ذعذع هواه
والرويعي لحاله يشدد نزيل
ولعي يانجوم الفرح ولعي
علمنا كالرشا فوق هاك المحال
ناخذ بجزيتن كيف تنسونها
علمنا ثابتٍ مع شجيع الرجال
وانتم اللي تخالف على شونها
مطر ال طرقي
ابرق الريش راسك ي راس الضليم
ما تشد الفكر ي خطاة الحداه
خابرك عند ماجد تلوى دخيل
مع ظفيرك تشن الحرايب علي
انحدرتوا من القلت يا ابن الحلال
اختفت قصتك ما تعرفونها
صح الله لسانك