الشاعر : مخلد الغنيم
يـتـعـب الـرّكــب وتْـطــوّل مـعـانـاتـه
والسّـلَـف تتبـعـه تـالــي مظـاهـيـره
مجتمع ما بـدا الاصـلاح مـن ذاتـه
صعب ياتي له الاصـلاح مـن غيـره
تتـبـع الـغـيـر والا تـســوّي سـواتــه
والله لتـبـشـر بـشــرّه قــبــل خــيــره
عــمــر ولّــــى ومـريــنــا مـحـطـاتــه
واستفـدنـا مــن العـمـر ومـشـاويـره
التـجـارب عـلـى مــن يفـقـد اثـبـاتـه
والتثـبّـت عـلـى مــن جــاب تقـريـره
والزمـن صعـب تاتـي لــك مسـرّاتـه
كان ماحسنت فيه السيـر والسيـرة
( كــل قـلـب ٍ خـلـيّ ٍ يـازمـن هـاتــه
بـي مـن الـهـم مايكـفـي لتدمـيـره )
فكـر كــل آدمــي مقـيـاس شوفـاتـه
تـقــدر تــحــدد اهــدافــه بتـفـكـيـره
كــل طـامـح يـبـي يسـعـى لغايـاتـه
حـسـب عـرفـه وتخطيـطـه وتـدبـيـره
وانـت ياجيـل يالـلـي مــات مافـاتـه
استفـد مـن عِبَـر جـيـل ومخاسـيـره
جيـل مستعصـيٍ فـي كــل حـالاتـه
اسـتـوت مــع هجاهيـجـه منـاعـيـره
راح مــاراح فــي جهـلـه ومـأسـاتـه
مـا عطانـا الجـهـل يـاكـود تاخـيـره
كــلّ جـمـع ٍ ذهـابــه فـــي تشـتّـاتـه
وْ لايـنـال الـعـلا مــن يفـقـد الغـيـرة
ولايـحـقــق طـمـوحــه وانـتـصـاراتـه
جيـش مهـزوم نفسـيـا وفــي حـيـرة
اتـــرك الـمـاضـي و سـكّــر ملـفـاتـه
كـان لـك حاضـر ٍ لاحــت تباشـيـره
هـــازل الـفـكـر لاتـسـتــورد افــاتــه
وفكـر الاحـرار يسعـدنـا بتصـديـره
بـيـن ارادات شـعـب وبـيـن هـقـواتـه
الـنـتـايـج تـبـيّــن حــجـــم تـقــديــره
كـل شعـب احتـلالـه : هــو نهايـاتـه
لارضـــوا باحـتـلالـه دون تـحـريــره
عــل مــن لــه مـنـاة يحـقـق امْـنـاتـه
وْ يستـدل لــدروب الخـيـر والخـيـرة
اختـصـار لكـلامـي فــي نهـايـاتـه
:ارجــــع لزبـدتـه..وافـهـم لتـفـسـيـره
(مجتمع ما بدا الاصـلاح مـن ذاتـه
صعب ياتي له الاصلاح من غيره )