أخواني الكرام أعضاء ملتقى ومجالس قبيلة الجميل الهلالية - الموقع الرسمي الأول للقبيلة -
هذه القصيدة للشاعر الكبير : فهيد بن باطح بن صايد الجميلي - أمد الله بعمره -
وذلك عندما كان نازلا في هجرة أم رضمة حيث تفرقت جماعته واستوطنوا المدن ولم يبق فيها إلا القليل من البيوت من قبيلته الجميل الهلالية ومن بعض القبائل الأخرى فأنشد هذه القصيدة يتوجد فيها على قبيلته وجيرانه ويذكر قارة علياء المشهورة في أم رضمة
وإليكم القصيدة
[poem=font="mateen,6,orangered,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
علياء عقب زين الطوارف والأشواف=صارت دوايرها خياش ومعاليف
وليت يا جوٍ تغير بالأكساف=مدهال زينات البكار المشاعيف
من عقب ما ورده على مقمه أرداف=وهداج تسمع به نهيم الغواريف
أم رضمة من عقب ما فات تنعاف=ما به حلا مقطانها لو بها ريف
أخلو منازلها وسيعين الأطراف=وحيشةٍ تذري عليها العواصيف
قبل النزول بها من الكاف للكاف=برباع يشدن الهضاب المشانيف
تجمع قرانيس يقدون الأسلاف=اللي لهم عند المضايق مواقيف
مجالس ما عندها مكر وأهداف=وسوالف يطرب لها راعي الكيف
لا بان نجم سهيل وأنووا بالأنكاف=وزاع الظعون مفرقين المواليف
تلقى الحوايم كل عد به أصناف=والجو يخلونه من الوسم للصيف
راحوا هل الهدلا العزيزين الأشراف=اللي ذراهم يذري الجار والضيف
يتلون ضاري موردن كل من خاف=ومشل أبو سالم زبون المواجيف
مستجنبين للدبش كل مزهاف=قب سريعات الطلب والمحاريف
زمايل ما لحضوها بالأسعاف=جردٍ يبوجن السهل والحجاريف
راحت شخوص ما تمثل بالأوصاف=ولا يرجع الماضي كثير التحاسيف
ناس تدانت للمعوشة والأضعاف=وتدري بها روس الرجال العواريف
اللي بحايل حط غرس وغراف=واللي تمركز بالحساء يمت السيف
والحر الأشقر حط به قرن واكتاف=في ظل حكام حمو نجد بالسيف
[/poem]
" خاص من محفوظاتي "
تم التعديل على القصيدة وتكملتها من قبل الأخ بشير بن فهد الفهيد - جزاه الله خيرا-