الشاعر : سطام بن سلمان
اليا ابتدا للشعر سيره وجالي مجال
ما ينفع العذر ابد دام الفكر مستوي
الراس حامي م يرضى الا بحبك الجزال
والذيب لا من نوى له شيّ قام يعوي
لا والله العين مانامت ولا ارتاح بال
كني على جمرتن واطي وحيل اشتوي
من يوم ماجاني الداعي نظمت المقال
اللي يمثل شعورن بالحشاا منزوي
واليوم جيت ارسم الواقع بريش الخيال
واروي عروق القصيدة بالمعاني روي
سلام ياهل الوفاء من شرق لين الشمال
سلام من شاعراً يطوي المسافة طوي
سلام بسم المنيجل كاملين الخصال
اللابه اللي لها الامجاد تضوي ضوي
ويامرحبا بالضيوف اهل الشبور الطوال
ترحيب قدره ثمين و بان وش يحتوي
في حفل سلطان حالف غير أهز الجبال
ابمزنتن لا ارعدت بالصوت تدوي دوي
والله لصوغ القوافي لين اروم المحال
واشوف من بعدها كن النجوم اتهوي
مبروك عرسه عسى الافراح في كل حال
و يالله عساه ايتهنى بشوف من يهتوي
نسل الكريم الشجاع اللي ليا قال طال
مسموعتن كلمته وان قال ما تلتوي
اليا نصيت ابوعبدالله كريم السبال
عزالله انك نصيت اللي يجيك احموي
لاجاه ضامي ورد عداً قراحه زلال
بالطيب يكوي كبود الحسد واهله كوي
معرب السّاس صيته من عمام وخوال
وابوه زبن الضعيف و محزمن للخوي
يالله عسى أتحقق لمطني صعيب المنال
ويخلد بجنه و عقب الضماء يرتوي
والمدح فيك انت ياابراهيم ذرب الفعال
الوي يمين الشعر لعيون مثلك لوي
واختامها الراس مايرضى بحبك الهزال
والذيب لا من نوى له شيّ قام يعوي