الشاعر : سليمان سعيد
يهدي الشاعر والمنشد : فهد المسيعيد هذي القصيدة
سفير السعوديه والانشاد
صدى صوتك بروس العلالي
يعزمونك بمصر وبغداد
وانا بافتخربك وانت خالي
برزت بفعاليات الاعياد
من رماح لطريف الشمالي
بصوتن يشادي صوت رعاد
سرى له دوي واجتوالي
سمعنا لغيرك مير وش عاد
مهم مثلك وياهملالي
اقوله بطيب وغصب وعناد
تميزت بالصوت المثالي
حماك الولي من كل حساد
ياصوت الرعد يا اعز غالي
وعن اللي زعل ماني بنشاد
اقول اركد اركد ياحلالي
هذا فعلنا من عصرالاجداد
من سنين وايام خوالي
لنا بالزعامه كور وشداد
اوائل ما حنا بالتوالي
مقاديم قوم شيوخ واسياد
كملنا ولله الكمالي