الشاعر / يوسف هادي الجميلي
بادي باللي قطع شك الانفس باليقين
في كتابن من قراء محكماته به رضا
من مشى به والله انه كسب دنيا ودين
وزاح ضلعه عن سنا نار لاضيها لظا
عقبها ياهاجس الشعر بيّح ذا الكنين
بيني وبينك قضيه تجهز ل القضاء
وانتبه لا تخلط الشوق مع جر الونين
لو تساعر في ضلوعك سنا نار الغضا
يمكن الايام تعطيك زينن عقب شين
لين تنعم راحة الكف من عقب الفضا
عزتي للي من الناس همل دمع عين
هملهً من لازمن جاء يبيه ولا قضا
وعزتي للي تعنى ولا حصل عوين
لاتضايق ودع الهم ل نجوم الفضا
شاب راسه والمقادير عيت لا تزين
يصفق الكفين يرجي زمانن له مضا
والا اننا والحمدلله ملبوسي ثمين
والقناعه كنز للي بمقسومه رضا
واختتمها في صلاتي على طه الامين
عد وبلن صب يومين برقه ما انقضا