الشاعر : حمود بن حفر الحمود الجميلي
في هالزمن كثر التلفاق والزيف
والشعر ماله لذتن يوم توحي
لصار ما شعرٍ يحسم المواقيف
لاخير في شعرٍ يهدم الصروحي
الحق مع باطله ما هم مواليف
لابد ما الباطل يليح وينوحي
لو كان للباطل هبوب وعواصيف
لابد ماشهب العواصف تروحي
وانا ليامن سقت بعض التواصيف
ماني على ترسيم وصفي فضوحي
مافاد بعض الناس كثر السواليف
كثر السوالف ما تحقق اطموحي
الناس صارت تالي الوقت كالسيف
صارت تحسد الناجحين النجوحي
الجزل باروبه هل الذوق والكيف
والهزل تاجه فوق راسه يلوحي