محاورة شعرية بين الشاعر : عشوي عياد و الشاعر: فواز البريك
عشوي عياد
سلام الله سلاما يفرق الصاحي من المجنون..
تداولها الرجال عقول فيها وزن واخفافي..
عسى شعارنا الليلة على خط القلم يمشون..
على شان يتبين ذكرهم في كل ميقافي..
فواز البريك
هلا يامرحبا بك والغلا من صادق المكنون..
تراحيب المطر واللي نقوله لك مهو كافي..
كتبنا والقلم ينقش حروف الواضح المدفون..
مدام القاف سريته يبي يسري معك قافي..
عشوي عياد
الا يابو شذى عطنا الكتاب اللي بقى محصون..
على مثل ايش تسكت وانت متميز وعرافي..
انا وشلون الاقي قبل اجرب سيفي المسنون..
اليا مني وردت العد ابشرب جمه الصافي..
فواز البريك
هذا كتابي تفضل واقر به والناس لايقرون..
وليامنك قريت الخافيه به خلها خافي..
تلاقي والسيوف سيوفك اللي ماتعود دون..
وجمن تشربه ياجعل مالك به نكد قافي..
عشوي عياد
الا يبو شذى ولع لي الجمره على الغليون..
ابمشّي طواريقن مع الساري الياطافي..
نبي اللي يعرف الواضح من اللي داخل الكرتون..
ترى شمس الحقيقه ماعليها ظل واغلافي..
فواز البريك
نولع جمرتن دخانها كيفن وكحل عيون..
ياراع الكيف هات الراس مادام الجمر وافي..
كراتين العرب يابو حمد من كل شكل ولون..
ولكن بعضها يستر عليها غلافها الضافي..
عشووي عياد
ابي من جملة الشعار رمزن ماعليه ظنون..
اليا عادو تحاليله وجا للشعر حووافي..
انا ادري ان الغريزه كلها في كفة الماعون..
وانا من دونها ما دام راسي ينقل اكتافي..
فواز البريك
انا ما قلت شين في عصى موسى ولا فرعون..
ادور كنز قارون ودفني ذاري السافي..
ترى الالف السعودي عند بعض الصيرفه مليون..
وبعض الاختلاف احيان يطلع مامن خلافي..
عشوي عياد
عرفنا الخافية والبينة في وضعها المرهون..
ولقينا للذهب باالسوق بياعه وصرافي..
ياكثر اللي يشجع بالبدايه من عباد الكون..
على هامش خبر مكشوف مايوجد له لحافي..
فواز البريك
كفيل القوم ياتاجر طلع من فزعته مديون..
ولكن التجارب بالزمان تصحي الغافي..
ولكن من ضحك لابد مايضحك بدون سنون..
يعض شفاه من بعض الندم لو انه سنافي..